Оле Гуннар Сульшер: "АПЛ ғолиблиги учун курашадиган жамоа яратмоқчимиз"
01 feb 2020 14:55
News

Оле Гуннар Сульшер: "АПЛ ғолиблиги учун курашадиган жамоа яратмоқчимиз"

"Манчестер Юнайтед" бош мураббийи Оле Гуннар Сульшер жамоанинг янги аъзоси Бруну Фернандеш борасидаги саволга жавоб берди.

"Биз АПЛ ва бошқа мусобақаларнинг ғолиблиги учун курашадиган жамоа яратишни хоҳлаяпмиз ва шу сабабдан энг яхши ўйинчиларимизни сақлаб қолмоқчимиз.

Бруну яхши ўйинчилар билан бирга ўйнаши мумкин ва у ҳамма нарсани билади. У учталик ярим ҳимояда, "тўққизлик" ва "ромб"да ҳам ўйнаши мумкин. Биз унга ўзининг энг яхши позициясини топиб олиши учун вақт берамиз.

У - гол урадиган ва пас берадиган ярим ҳимоячи, бироз Пол Скоулзга ҳам ўхшаб кетади. Уларнинг ўхшашлиги - ўйинларининг қайноқлигида, иштиёқида ва ютқазишни ёмон кўришидадир. Рақамлари ҳам шундай", - дейди Сульшер.

Эслатиб ўтамиз, АПЛ доирасидаги "Манчестер Юнайтед" ва "Вулверхэмптон" ўйини бугун Тошкент вақти билан соат 22:30да бошланади.

Link :

Source : ESPN

Receive latest football news directly on your phone. Subscribe for our Telegram channel!

Rating: +11