Olamsport.com: Яна бир вакилимиз Олимпия ўйинлари йўлланмасини қўлга киритди!
22 apr 2016 17:30
News

Olamsport.com: Яна бир вакилимиз Олимпия ўйинлари йўлланмасини қўлга киритди!

Юнон-рим кураши бўйича Ўзбекистон терма жамоаси аъзоси Елмурат Тасмурадов (-59 кг) Мўғилистон пойтахти Улан-Батор шаҳрида ўтказилаётган биринчи жаҳон лицензион турнирида муваффақиятли иштирок этиб, XXXI ёзги Олимпиада ўйинларига йўлланма олди.

Саралаш мусобақаларида Исроил, Швеция ва Венгрия терма жамоаси аъзоларини мағлуб этган Елмурат ярим финалда кореялик Сёнгхак Кимга имкониятни бой берди. Шундан сўнг ҳамюртимиз бронза медали учун кечган беллашувда болгариялик Серафим Ангеловни 8:0 ҳисобида енгди. Қоидага кўра, финалчилар тўғридан-тўғри Олимпиада ўйинлари йўлланмасига эга бўлишса, бронза медали соҳиблари “Рио-2016” лицензиялари учун ўзаро баҳс юритишлари талаб этиларди. Эътиборлиси, Олимпиада ўйинларининг йўлланмаси учун кечган беллашувда ҳам Елмурат грузиялик рақиби Реваз Лашхига ҳеч қандай имконият қолдирмади ва 4-0 ҳисобида зафар қучиб, “Рио-2016” ўйинларининг йўлланмасини қўлга киритди.

3 кун давом этадиган турнир давомида қайси спортчиларимиз Рио йўлланмалари учун кураш олиб боришларини билишни истасангиз olamsport.com сайтига ташриф буюринг!

Link :

Source : olamsport.com

Receive latest football news directly on your phone. Subscribe for our Telegram channel!

Rating: +1