ОКМКнинг "Пахтакор"га қарши чемпионатдаги ғалабасиз серияси 12 ўйинга етди
22 apr 2023 21:15
News

ОКМКнинг "Пахтакор"га қарши чемпионатдаги ғалабасиз серияси 12 ўйинга етди

Бироз аввал Cоcа Cola Суперлигасининг 7-туридан ўрин олган ОКМК — "Пахтакор" учрашуви якунига етди.

Гарчанд мазкур беллашувда Миржалол Қосимов шогирдлари ҳисобда олдинга чиқиб олган бўлса-да, "шерлар" ирода намойиш этган ҳолда бирин-кетин иккита тўп киритишга муваффақ бўлди ҳамда уч очкога эга чиқди.

Шу тариқа, чемпионат доирасида олмалиқликларнинг "Пахтакор"га қарши ўйинлардаги ғалабасиз серияси 12 ўйинга етди. Тошкент вилояти жамоаси сўнгги марта 2017 йил пойтахт клубини доғда қолдирганди.

Қолаверса, клуб мезбон сифатида кетма-кет олтинчи Суперлига баҳсида амалдаги мамлакат чемпионига имкониятни бой бериб қўйди.