ОКМК назорат учрашувида Қирғизистон клубини йирик ҳисобда енгди
17 jul 10:19
News

ОКМК назорат учрашувида Қирғизистон клубини йирик ҳисобда енгди

Давралар орасидаги танаффусдан самарали фойдаланишни мақсад қилган "кончилар" 16 июль куни Олмалиқда қўшни Қирғиз Республикаси вакили — "Озгон" жамоасига қарши ёпиқ эшиклар ортида назорат учрашуви ўтказди.

Ўйиннинг илк дақиқалариданоқ ҳужумкор ўйин намойиш этган ОКМК ФК бир неча бор рақиб дарвозаси олдида хавфли вазиятлар яратди ва бу устунликни голларга айлантирди. Меҳмонлар ҳам қарши ҳужумларда фаол ҳаракат қилдилар, бироқ майдондаги ташаббусни тўлиқ эгаллаган "кончилар"нинг ишончли ўйини ҳал қилувчи омил бўлди.

Беллашув ўзига хос тарзда — ҳар бири 30 дақиқадан иборат тўрт таймда ўтказилди. Голларга бой кечган баҳсда ОКМК жамоаси рақиб дарвозасини 6 маротаба ишғол қилди. Қирғизистонлик меҳмонлар эса фақат бир гол билан жавоб қайтардилар.

Назорат учрашуви
16 июль
ОКМК спорт мажмуаси стадиони
ОКМК — "Озгон" 6:1

Голлар: Асад Собиржонов (14), Ариҳиро Сентоку (25), Али Абдураҳмонов (27, 42), Хуршид Ғиёсов (37), Георгий Папава (93).

Link :

Source : ОКМК матбуот хизмати

Receive latest football news directly on your phone. Subscribe for our Telegram channel!

Rating: +2