ОФК U23. C гуруҳи. Бугунги ўйинлар олдидан мураббийларнинг фикрлари

Шин Таэ Йонг (Жанубий Корея): "Ўзбекистон ОТЖга қарши учрашувда 2 та гол урган Мун Чанг Жин ўз клубида жиддий жароҳат олган эди ва шу сабаб 4 ой дам олди.

Мун сафга қайтди ва у жамоанинг асосий ва муҳим футболчиларидан бири ҳисобланади. Мен унинг ҳаракатларидан мамнунман".

Амин Ал Сунайни (Яман): "Ироқ қарши учрашувдаги хатоларимизни таҳлил қилиш учун ўз ўйинимизнинг видеосини такроран томоша қиламиз, аммо Жанубий Корея ва Ўзбекистон ўртасидаги баҳс ҳам эътиборимизда четда қолмайди, уларнинг ўйин услубини ўрганишимиз керак".

Шаҳа Абдулғани (Ироқ): "Яманга қарши баҳсда махсус услубда ўйнадик, аммо ҳозирча гуруҳ босқичи экан, барча уч учрашувни ҳисобга олиш лозим. Корея ва Ўзбекистонга қарши қандай ўйнаш кераклигини ўрганиш учун уларнинг баҳсини томоша қилишимиз керак".

Самвел Бабаян (Ўзбекистон): "Бу турнирда ҳар бир учрашув жуда муҳим ва кейинги баҳсда яхши ўйнаб, ижобий натижа қайд этишга ҳаракат қиламиз".