ОФК сайти Алим Арифовни ЎФФ вице-президенти деб ёзди

Хабарнинг қисқача талқини қуйидагича. ОФК раҳбари Шайх Салмон яқинда Марказий Осиё футболи раҳбарлари ва вакиллари билан учрашиб баъзи масалаларни муҳокама қилиб олди. Учрашув давомида бир қатор масалалар кўриб чиқилди. ОФК президенти йиғилиш давомида Осиё футболи ривожланишнинг тўғри йўлидан кетаётганини таъкидлади.

Хабар охирида эса йиғилишда кимлар қатнашгани келтирилган. Булар Эрон ФФ президенти Али Кафашиан, Афғонистон ФФ президенти Карим Керамуддин, Қирғизистон ФФ президенти Семетей Султанов, Ўзбекистон ФФ вице-президенти Алим Арифов ва Тожикистон ФФ вице-президенти Хуршид Мурзоев.

Маълумки, ЎФФ вице-президенти лавозимида мана бир неча йилдирки Сардор Раҳматуллаев ишлаб келяпти. Алим Арифов эса халқаро бўлимда фаолият олиб боради ва ОФК ўйинларида комиссарлик қилади. Эҳтимол, ОФКдаги ҳамкасбларимиз кўпроқ Алим билан мулоқотда бўлишгани учун уни вице-президент деб ўйлашган бўлса керак. Агар ЎФФда вице-президент ўзгарган бўлганида бундан албатта хабар топган бўлардик, лекин ҳозирча бу ҳақда ҳеч қандай гапни эшитмадик.

Хайрулла Холиқов.