ОФК кубоги. Туркманистон клуби тарихида илк бор финалда ўйнайди
03 oct 2018 20:07
News

ОФК кубоги. Туркманистон клуби тарихида илк бор финалда ўйнайди

Бугун ОФК кубоги ярим финали доирасидаги "Олтин Аср" - "25 апрель" учрашуви бўлиб ўтди.

19 сентябрь куни КХДРда бўлиб ўтган дастлабки учрашувда 2:2 ҳисоби қайд этилганди.

Бугунги жавоб баҳсида ҳисобни корейслар очишди. 7-дақиқада Хан Сонг Хёк мезбонлар дарвозасини ишғол қилди - 0:1. Иккинчи таймда меҳмонлар иккинчи голни уришлари мумкин эди. Бироқ белгиланган пенальтини Мамед Оразмуҳамедов қатаришга эришди.

64-дақиқада туркманистонлик Воҳит Оразсахедовнинг пенальтидан урган голи "Олтин Аср"ни ОФК кубоги финалига олиб чиқди - 1:1.

27 октябрь куни бўлиб ўтадиган финалда "Олтин Аср" Ироқнинг "Ал Қува Ал Жавия" билан ўйнайди. Учрашув Ироқда бўлиб ўтади.