ОФК кубоги-2021. Язгули Хожагелдиев: "Бор эътиборимиз "Хўжанд" билан учрашувга қаратилган"

Анжуманнинг биринчи қисмида "Олтин Аср" бош мураббийи Язгули Хожагелдиев ўз фикрларини билдириб ўтди.

"Биринчи ўйин ҳар доим қийин бўлади. Гуруҳда оддий жамоалар йиғилмаган. Имкониятимиз даражасидан келиб чиқиб гуруҳдан чиқишга уриниб кўрамиз", - дейди мураббий.

- Жамоанинг ушбу турнирга тайёргарлиги қандай бўлди? Аввалроқ "Олтин аср"нинг мусобақага келмаслиги ҳақида хабарлар чиққанди. Бу эртанги ўйинга қай даражада таъсир қилади?
- Биз бунга кўп ҳам эътибор бераётганимиз йўқ. Биз охириги паллагача тайёргарлик кўргандик. Ҳозирда бутун дунёда пандемик вазият хукумрон. Бор эътиборимиз ОФК кубоги баҳсларига қаратилган.

- Клуб жамоанинг олдига қандай мақсад қўйган?
- Мақсад ҳар бир ўйинга муносиб тайёргарлик кўриш ва ғалаба қозониш. Қолганини вақт кўрсатади. Биринчи ўринда эртанги ўйинни ўйлашимиз зарур.

- Туркманистон чемпионати ҳали старт олмаган. Ўйин амалиёти билан боғлиқ муаммолар тўсқинлик қилмаяптими?
- Ўйин  амалиётини ушлаб туриш учун назорат учрашувларида майдонга тушдик.

Эслатиб ўтамиз, "Олтин Аср" - "Хўжанд" учрашуви 14 май куни Тошкент вақти билан соат 21:05да бошланади. 

Altyn Asyr

AFC Cup Grp. F . Round 1 14/05/2021, 22:05 2 : 2 Finished

FK Khujand

45'

90'

Open in Match Center