ОФК Кубоги-2021. "Насаф" ва "Хўжанд" бугун қайси либосларда ўйнаши маълум

Бугун 2-тур беллашувлари ўтказилади. Қаршининг "Насаф" жамоаси мезбон мамлакат шарафини ҳимоя қилаётган "Хўжанд"га қарши баҳс олиб боради.

Бугунги ўйинни томонлар қандай рангдаги либосларда ўтказишлари маълум бўлди. Унга кўра, бугун расмий мезбон ҳисобланган "Хўжанд" тўлиқ қизил (форма, шорт, гедра), дарвозабони эса тўлиқ яшил рангли формада бўлади.

"Насаф" ўйинчилари эса тўлиқ тўқ кўк (худди 1-турдаги каби) рангли либосда, "аждарлар" кипери эса тўлиқ сариқ рангли формада майдонга тушади.

Эслатиб ўтамиз, "Хўжанд" - "Насаф" баҳси бугун соат 21:05да старт олади. Ўйин Душанбедаги "Республика марказий стадиони"да бўлиб ўтади.