ОФК Чақирув кубоги-2014. Ярим финалчилар орасида Афғонистон бор

Дастлаб мусобақада иштирок этаётган барча жамоалар билан танишиб олинг:

"А" гуруҳи: Фаластин, Мальдив ороллари, Қирғизистон, Мьянма.
"B" гуруҳи: Филиппин, Афғонистон, Туркманистон, Лаос.

Гуруҳ босқичидан сўнг биринчи гуруҳдан Фаластин ҳамда Мальдив ороллари ярим финалга чиқишди.

Бугун эса "B" гуруҳида сўнгги тур ўйинлари бўлиб ўтди. Туркманистон Филиппинга 0:2 ҳисобида мағлуб бўлди. Афғонистон эса Лаос билан дуранг қайд этди - 0:0. Айнан шу ўйинни ўзбекистонлик Валентин Коваленко бошчилигидаги ҳакамлар бошқариб боришди. Унга қанотларда ҳамюртимиз Рафаэль Илёсов ва мальдивлик Аҳмад Амиз ёрдам беришди.

Шу тариқа ярим финалга Филиппин ва Афғонистон терма жамоалари йўлланма олишди.

27 май куни Фаластин - Афғонистонга қарши, Филиппин эса Мальдив оролларига қарши майдонга тушади.

30 ма куни бўлиб ўтадиган финал баҳсида ғолиб бўлган жамоа 2015 йил Австралияда ташкил этиладиган Осиё Кубоги-2015 мусобақасига йўлланмани қўлга киритади.

Чемпион жамоа "D" гуруҳида Япония, Иордания ва Ироқ терма жамоалари билан бир гуруҳдан ўрин олиши аниқ.