Одил Аҳмедов жамоаси 0:3 дан камбэк қилди

"Тяньцзинь Шанхай"га қарши чорак финалнинг икл учрашувида "Шанхай СИПГ" 0:3 ҳисобида мағлуб бўлган эди.

Аҳмедов жамоаси уйида кечган баҳсда Андре-Виллаш Боаш шогирдлари камбэк амалга оширишди. Илк голдаги ҳужум Одил Аҳмедовнинг паси билан бошланди. Ҳамюртимиз Оскарга тўпни узатди, бразилиялик эса Халкни топди ва "Зенит" собиқ ҳужумчиси ҳисобни очди. Иккинчи голга ҳам Халк муаллифлик қилди, бироқ бу сафар пенальтидан.

Иккинчи бўлимни фаол бошлаган "Шанхай СИПГ" навбатдаги 45 дақиқаликда ҳам 2 та гол уришга муваффақ бўлди ва баҳсни 4:0 ҳисобида якунлаб, Хитой Кубоги ярим финалига йўл олишди.

Учрашув вақтида футболчилар ва мураббийлар ўртасида келишмовчиликлар юзага келди.

"Шанхай СИПГ" Хитой Кубоги ярим финалида "Гуанжоу Эвергранд" билан ўйнайди.