Одил Аҳмедов Фарғонада бўлиб, "Нефтчи"нинг ўйинига ташриф буюрди

 "Аҳмадхон" клуби вакиллари футболчи билан ҳамкорлик бўйича келишиб, Фарғона футбол Ассоциацияси билан Қўқон лигасини йўлга қўйиш устида иш бошладилар.

Қувонарлиси шундаки, терма жамоамизнинг собиқ сардори ўзининг ишчи гуруҳи билан илк маротаба, Водий Лигасини йўлга қўйди. Буни водий футболида олдинга ташланган қадам сифатида айтиш мумкин.

Қўқонга ташриф буюрган Аҳмедов вилоят ҳокимининг таклифи билан, "Нефтчи" - "Бухоро" ўйинига таклиф қилинди. "Истиқлол" стадионида бўлиб ўтган учрашувда Аҳмедов Фарғона вилояти ҳокимининг ўринбосари, Вилоят туризм ва спорт бошқармаси бошлиғи Ҳуршид Аҳмедов билан Фарғона футболининг келажаги ҳақида суҳбат қуришди ва Носир Отақўзиев билан ҳамкорликда кенг ҳажмда иш олиб боришга келишиб олишди. 

Одил Аҳмедов бу ишни Наманган Вилоятида 5 йил аввал бошлаган бўлиб, бугун бу ерда болалар футболи бир қадам олдинга қадам ташлади деб айта оламиз.

Хитойда фаолият юритаётган ярим ҳимоячини Фарғона Вилоятининг бугунги ҳокими Хайрулла Бозоров билан муносабатининг яхшилигини инобатга олсак, янги мавсумда футболчи "Нефтчи" либосида майдонга чиқса ажабланмаймиз.