Одил Аҳмедов: "Бўш стадионда тўп тепиш бизга ҳам ёқмайди"

- Биринчи голгача жамоа қийналди, бунинг устига ҳимояда ҳам муаммолар бўлди. Адашмасам, дарвозага аниқ зарба бериш бўйича рақиб устунлик қилди (1-4)...

- Уйда ўйнадик, бироз босим бўлди. Бунинг устига рақиб ҳимояда ўйнагани учун биринчи голга қийналдик. Биринчи голдан сўнг КХДР очилди ва бизда хавфлироқ ҳужум қилиш имконияти пайдо бўлди. Асосийси - ғалаба. Мухлислар олдида юзимиз ёруғ бўлди. Учрашувга умумий назар ташлайдиган бўлсак, устунлик биз томонда бўлди.

- "Миллий" стадиони чими янгиланганидан сўнг биринчи расмий учрашув ўтказилди. Уга қандай баҳо берасиз?

- Чимга бироз вақт керак. У ҳали ерга жипслашмаган. Кўрганингиздек баъзи муаммолар бор. Менимча, бироз вақт керак. Ҳозирча 100% тайёр эмас.

- Анчадан бери бу арена мухлислар билан тўлмаган эди, бу ҳақида нима дейсиз?

- Футбол фақат мухлислар учун ўйналади. Бўш стадионда тўп тепиш бизга ҳам ёқмайди. Шунинг учун бизни қўллашдан чарчаманг. Қўлимиздан келганини қилишда давом этамиз. Учрашувга келган ишқибозларга футболчилар номидан катта раҳмат айтаман.