ОЧЛ. Ярим финал. Кўзгуда – “Кашива Рейсол” (Япония)

Ушбу жамоалар ўртасидаги беллашув анча қизиқарли кечиши кутилмоқда. Император Кубогининг амалдаги соҳиби “Кашива Рейсол” ОЧЛда мағлубиятга учрамаган ягона жамоа бўлиб турибди. Буни кўпчилик жамоада яхши ижрочилар жамлангани ҳамда Нелсиньо Баптистадек малакали мураббий ишлаётгани билан изоҳламоқда. Айтганча, 2009 йилдан бери “Кашива” ОЧЛнинг ярим финалига чиққан дастлабки япон клуби ҳисобланади.

“Жамоамиз сардори бу ўйинда майдонга туша олмайди, - дейди “Кашива” бош мураббийи. – Аммо бунга қарши ҳеч нарса қила олмаймиз. Бошқа футболчиларимизнинг барчаси ўйинга тайёр. Бу ўйинга тайёргарлик кўриш учун асосан жисмоний машғулотларга урғу бердик. Чунки Хитой клубларини мағлуб этиш учун аввало жисмонан кучли бўлиш талаб этилади”.

“Биз ҳам, рақиб ҳам бу йилги ОЧЛда яхши тажриба тўладик. Агар бор кучимизни кўрсата олсак, Хитой клубидан ўтишимизга шубҳа қилмайман”.
 

Хайрулла Холиқов тайёрлади.