ОЧЛ: Хави ва Черан сафга қайтди, аммо "Насаф"да йўқотиш мавжуд!

Қаршидаги ўйинни жароҳати боис ўтказиб юборган Хави сафга қайтди. Бу ҳақда "Ал Садд" клубининг "Instagram"даги расмий саҳифаси хабар берди.

"Насаф" эса Доҳага 20 нафар футболчи билан учиб кетди. Бу ҳақда клуб расмий хабарида эълон қилинган. Аммо берилган рўйхатда чап қанот ҳимоячиси Сайдулло Раҳматов йўқ. Чунки футболчи дисквалификация туфайли учрашувда иштирок эта олмайди.

Драган Черан эса ўз юртидан тўғри Доҳага учган. "Насаф"нинг сербиялик ҳужумчиси "Ал Садд"га қарши баҳсда "аждарлар"га ёрдам беришга тайёр. "Насаф" делегацияси Доҳадаги “Millennium” меҳмонхонасидан қўним топишган. Рўзиқул Бердиев шогирдлари бугун Доҳадаги дастлабки машғулотларини ҳам ўтказишга улгуришган.

"Насаф"нинг Доҳага йўл олган таркиби қуйидагича:
Дарвозабонлар: 35.Санжар Қувватов, 1.Умиджон Эргашев, 65.Машҳуржон
Муҳаммаджонов.

Ҳимоячилар: 4.Мақсуд Каримов, 5.Ғолиб Ғайбуллаев, 14.Шароф Муҳитдинов,
22.Игорь Голбан, 55.Славко Лукич, 92.Умарбек Эшмуродов.

Ярим ҳимоячилар: 6.Азизжон Ғаниев, 7.Одилжон Ҳамробеков, 8.Санжар Рашидов,
20.Ислом Кенжабоев, 21.Жаҳонгир Алиев, 27.Ислом Рашидхонов, 38.Акмал
Мозговой, 77.Жасур Ҳасанов.

Ҳужумчилар: 10.Бобир Абдухолиқов, 30.Худоёрхон Сағдуллаев, 69.Драган Черан.

Эслатиб ўтамиз, 13 март куни "Насаф" ОЧЛ 4-тур доирасида Қатарнинг "Ал Садд" жамоасига қарши баҳс юритади. Учрашув Тошкент вақти билан соат 20:15да бошланади.