ОЧЛ қуръасига оз қолди
14 nov 2018 10:20
News

ОЧЛ қуръасига оз қолди

Келаси йил ўтказиладиган Осиё чемпионлар лигаси қуръасига ҳам саноқли кунлар қоляпти.

Бу сафар қуръа маросими Куала-Лумпурда жойлашган ОФК штаб-квартирасида ҳар доимгидек декабрда эмас, балки ноябрда бўлиб ўтади. 22 ноябрь куни кейинги йил учун ОЧЛ ва ОФК Кубоги баҳсларига қуръа ташланади. Бунга асосий сабаб сифатида январда Осиё Кубоги-2019 мусобақаси ўтказилиши кўрсатилган.

Шуниси аниқки, Осиё чемпионлар лигасида биздан учта жамоа қатнашади. Ҳозирча фақат Ўзбекистон Кубоги-2018 соҳиби АГМКнинг иштирок этиши расман аниқ бўлиб улгурган. Яна иккита жамоа Суперлига баҳслари якунига етганидан сўнг маълум бўлади. Катта эҳтимол билан бу жамоалар "Локомотив" ва "Пахтакор" бўлади. Эслатиб ўтамиз, фақат Ўзбекистон чемпиони бўлган жамоагина ОЧЛ гуруҳ босқичига тўғридан-тўғри йўлланма олади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +7