ОЧЛ. "Нафт Теҳрон" "Пахтакор", "Ал Садд" "Локомотив"нинг гуруҳидан ўрин олди

Тошкентнинг "Бунёдкор" клуби БААнинг "Ал Жазира" клубини 2:1 ҳисобида мағлуб этиб гуруҳ босқичига йўл олгани ҳақида хабар бердик. "Қалдирғочлар" "A" гуруҳида иштироқ этишади. Ушбу гуруҳда "Ал Наср" (Саудия Арабистони), "Лаҳвия" (Қатар) ва "Персеполис" (Эрон) каби клублар ўрин олишган.

Бироз олдин Эронда "Нафт Теҳрон" ва Қатарнинг "Ал Жайиш" клублари ўртасидаги ўйин якунланди. Унда теҳронликлар Амир Арсалан Мотаҳари томонидан урилган гол эвазига ғолиб бўлишди.

"Нафт Теҳрон" клуби ОЧЛ гуруҳ босқичида "B" гуруҳидан ўрин олди. Ушбу гуруҳда Ўзбекистоннинг "Пахтакор", Саудия Арабистонининг "Ал Шабаб" ва БААнинг "Ал Айн" клублари бор.

"Ал Ваҳда" (БАА) - "Ал Садд" (Қатар) учрашуви шиддатли кечди. Асосий вақтда 3:3, қўшимча вақтда 4:4 ҳисоби қайд этилди. Пенальтилар сериясида қатарликлар омадлироқ чиқишди - 5:4. Шу тариқа "Ал Садд" "Локомотив" клуби жой олган "D" гуруҳидан ўрин олади. Ушбу гуруҳда "Фулад" (Эрон) ва "Ал Ҳилол" (Саудия Арабистони) каби клублар ҳам жой олган.


Плей-офф учинчи босқич
17 февраль
"Сеул" (Ж.Корея) - "Ханой" (Вьетнам) 7:0
"Кашива Рейсол" (Япония) - "Чонбури" (Таиланд) 3:2
"Централ Коаст Маринерс" (Австралия) - "Гуанчжоу" (Хитой) 1:3
"Пекин Гуан" (Хитой) - "Бангкок Гласс" (Таиланд) 3:0

"Нафт Теҳрон" (Эрон) - "Ал Жайиш" (Қатар) 1:0
"Бунёдкор" (Ўзбекистон) - "Ал Жазира" (БАА) 2:1
"Ал Ваҳда" (БАА) - "Ал Садд" (Қатар) 4:4 (пенальтилар серияси 4:5)
22:10. "Ал Аҳли" (Саудия Арабистони) - "Ал Қодсия" (Қувайт)