ОЧЛ. Чорак финал. “Ал Аҳли” ғалабани сақлаб қола олмади
22 aug 2017 23:14
News

ОЧЛ. Чорак финал. “Ал Аҳли” ғалабани сақлаб қола олмади

Осиё чемпионлар лигаси чорак финалидан ўрин олган “Персеполис” (Эрон) – “Ал Аҳли” (Саудя Арабистони) учрашувида ғолиб аниқланмади.

Эронда ўтган илк беллашувда меҳмонлар икки тўп фарқи билан олдинга чиқиб олишгарига қарамай якунда дуранг билан чекланишди. Учрашувнинг 2-дақиқасидаёқ жиддаликларнинг суриялик ҳужумчиси Умар Ал Сома ҳисобни очган бўлса, 58-дақиқада Леонардо орадаги фарқни иккитага оширди. Аммо 78-дақиқада Холизода, 84-дақиқада Менша икки бор саудияликлар дарвозасини ишғол этишнинг уддасидан чиқишди – 2:2.

ОЧЛ чорак финалининг жавоб учрашуви доирасида бу икки жамоа 12 сентябрь куни ғолиб масаласига аниқлик киритади.