ОЧЛ. Бош соврин кетма-кет 7-марта Шарққа кетди

Теҳрондаги "Озоди" стадионида кечган иккинчи финал ўйинида ҳисоб очилмади. Биринчи учрашувда "Кашима Антлерс" 2:0 ҳисобида зафар қучганди. Натижада японияликлар бу йилги мусобақада ғолибликни қўлга киритишди.

Қизиғи шундаки, ОЧЛ йўлга қўйилганидан бери кетма-кет иккинчи марта япон клублари зафар қучди. Ўтган йил "Урава Редс" чемпионликни қўлга киритганди, бу мавсум эса "Кашима"га тенг келадигани топилмади. Худди шунингдек 2007/2008 йилги мавсумларда ҳам кетма-кет япон клублари зафар қучган. Хусусан 2007 йил "Урава Редс", орадан бир йил ўтиб эса "Гамба Осака" чемпион бўлган.

Статистикага мурожаат қиладиган бўлсак, қаторасига еттинчи бор бош соврин Шарқ минтақасига кетди. Охирги марта 2011 йил Ғарб вакили "Ал Садд" ОЧЛда зафар қучганди. Шундан бери "ғарбликлар"га ҳеч омад кулиб боқмаяпти.

Осиё чемпионлар лигасининг барча совриндорлари

2002/03 й. Ғолиб - "Ал Айн" (БАА); финалчи - "Бек Теро Сасана" (Таиланд)
2004 й. Ғолиб - "Ал Иттиҳод" (С.Арабистони); финалчи - "Сеонгнам Ильва Чунма" (Ж.Корея)
2005 й. Ғолиб - "Ал Иттиҳод" (С.Арабистони); финалчи - "Ал Айн" (БАА)
2006 й. Ғолиб - "Чонбук Хюндай" (Ж.Корея); финалчи - "Ал Карама" (Сурия)
2007 й. Ғолиб - "Урава Редс" (Япония); финалчи - "Сепахон" (Эрон)
2008 й. Ғолиб - "Гамба Осака" (Япония); финалчи - "Аделаида Юнайтед" (Австралия)
2009 й. Ғолиб - "Поханг Стилерс" (Ж.Корея); финалчи - "Ал Иттиҳод" (С.Арабистони)
2010 й. Ғолиб - "Сеонгнам Ильва Чунма" (Ж.Корея); финалчи - "Зобахан" (Эрон)
2011 й. Ғолиб - "Ал Садд" (Қатар); финалчи - "Чонбук Хюндай" (Ж.Корея)
2012 й. Ғолиб - "Ульсан Хюндай" (Ж.Корея); финалчи - "Ал Аҳли" (С.Арабистони)
2013 й. Ғолиб - "Гуангжу Эвергранд" (Хитой); финалчи - "ФК Сеул" (Ж.Корея)
2014 й. Ғолиб - "Вестерн Сидней" (Австралия); финалчи - "Ал Ҳилол" (С.Арабистони)
2015 й. Ғолиб - "Гуангжу Эвергранд" (Хитой); финалчи - "Ал Аҳли" (БАА)
2016 й. Ғолиб - "Чонбук Хюндай" (Ж.Корея); финалчи - "Ал Айн" (БАА)
2017 й. Ғолиб - "Урава Редс" (Япония); финалчи - "Ал Ҳилол" (С.Арабистони)
2018 й. Ғолиб - "Кашима Антлерс" (Япония); финалчи - "Персеполис" (Эрон)