ОЧЛ-2019. АГМКнинг рақибига Ҳаким Фузайлов бош мураббий бўлди

54 ёшли Ҳаким Фузайлов билан шартнома 3 декабрь куни имзоланди.
 
«Ушбу мураббий олдига барча мусобақаларда юқори натижалар қўлга киритиш вазифаси қўйилди», – деб ёзилади «Истиқлол» клуби расмий сайтида.
 
Фузайлов «Бухоро», «Динамо», «Андижон», «Титан» (Россия), «Локомотив Москва» (мураббий селекционер), «Ростов» (спорт директори ўринбосар), «Локомотив Тошкент» каби клубларда фаолият олиб борган.
 
2016 йил апрель ойидан 2018 йил март ойига қадар Тожикистон миллий терма жамоасини бошқарди.

Эслатиб ўтамиз, 2019 йилги ОЧЛ плей-оффида «Истиқлол» Ўзбекистоннинг АГМК клуби билан тўқнаш келади. Мазкур баҳс 12 февраль куни Олмалиқда бўлиб ўтади.