ОЧЛ-2018. "Насаф" – "Ал Васл". Ўйинолди расмий тадбирлар ҳақида

"Марказий" стадионда ўтказиладиган учрашув соат 18:00да бошланади.

Ушбу учрашувдан бир кун аввал, яъни 19 февраль, душанба куни ўйинолди расмий тадбирлар бўлиб ўтади.

Демак, соат 11:30да бошланадиган ўйинолди матбуот анжуманининг дастлабки қисмида, “Ал Васл” вакиллари иштирок этишади.

"Насаф" устози Рўзиқул Бердиев ва бир нафар ўйинчи иштирокидаги матбуот анжумани эса 12:00да бошланади.

Ўйинолди матбуот анжуманлари “Марказий” стадионнинг анжуманлар залида бўлиб ўтади.

Шу куни ҳар иккала клуб расмийлари иштирокидаги йиғилиш (митинг) соат 13:00да бошланади. Йиғилиш ҳам “Марказий” стадионда бўлиб ўтади. Унда бир қатор ташкилий масалалар қатори, 20 февраль куни бўладиган учрашувда жамоаларнинг қандай либосларда майдонга тушиши ўзаро келишиб олинади.

“Насаф”нинг ўйинолди расмий машғулоти шу куни соат 17:00да бошланади.

“Ал Васл” жамоасининг ўйинолди расмий машғулоти эса соат 18:00да бошланади. Ўйинолди расмий машғулотлари ҳам  “Марказий” стадионда ўтказилади.

Журналистларга расмий машғулотларнинг дастлабки 15 дақиқасини кузатиш имконияти берилади.

Ўйинолди матбуот анжуманларида ва жамоаларнинг расмий машғулотларида клубимиз томонидан аккредитациядан ўтган журналистлар иштирок этишлари мумкин.

“Насаф” ПФК матбуот хизмати