ОЧЛ-2017: Хави Тошкентга келадими ёхуд бугун “Локомотив”нинг рақиби аниқланади
07 feb 2017 14:36
News

ОЧЛ-2017: Хави Тошкентга келадими ёхуд бугун “Локомотив”нинг рақиби аниқланади

Tags : Ал Садд Истиқлол Локомотив ОЧЛ-2017

Осиё чемпионлар лигаси гуруҳ босқичига ташланган қуръа натижаларига кўра Ўзбекистон чемпиони – “Локомотив” “А” гуруҳидан ўрин олганди.

“Темирйўлчилар”га гуруҳда БААнинг “Ал Аҳли”, Саудиянинг “Ал Таавон” жамоалари рақиблик қилиши маълум бўлганди.

Бугун Осиёнинг бир қатор шаҳарларида гуруҳ босқичига йўл олиш учун саралаш ўйинлари ўтказилади. Улардан бирида Эроннинг “Истиқлол” ҳамда Қатарнинг “Ал Садд”жамоалари ўзаро баҳс олиб боришади. Мазкур қарама-қаршиликда устун келган жамоа эса “А” гуруҳидан ўрин эгаллайди.

Маълумот учун, Қатарнинг "Ал Садд" клуби сафида машҳур испаниялик футболчи Хави тўп тепади.