ОЧЛ-2016. "Локомотив"нинг рақиблари сафида қайси легионерлар ўйнайди?

Биз ҳар бир клубимизнинг гуруҳидаги рақиблари ҳақида қисқача маълумот беришга қарор қилдик. "A" гуруҳининг тўлиқ тақвимини бироз олдин тақдим этилган эди.


"Сепахон" (Эрон)

Эроннинг "Сепахон" клуби ОЧЛ-2016да Эрон чемпиони сифатида иштирок этади. Хорватиялик Игорь Штимач бошчилигидаги жамоа бу мавсумда Эрон чемпионати 13та туридан сўнг 20 очко тўплаган ҳолда 7-ўринни эгаллаб турибди.

"Сепахон" 5 карра Эрон чемпиони ва 4 карра Ҳафзи кубоги соҳиби ҳисобланади. Жамоа 2007 йилги Осиё чемпионлар лигаси финалига қадар етиб борган.

Ушбу клуб сафида ўзбекистонлик Фозил Мусаев тўп тепади. Қолган икки легионер Бразилиядан - Леандро Падовани ва Лусиано Перейра.

"Ал Наср" (БАА)

БААнинг "Ал Наср" клуби 2016 йилги Осиё чемпионлар лигасида БАА президенти кубоги соҳиби сифатида қатнашади. Клуб ўтган мавсум чемпионатда 5-ўринни эгаллаганди.

3 карра БАА чемпиони, 4 карра Президент кубоги соҳиби, 3 карра Федерация кубоги соҳиби ва 1 карра Араб Кўрфази кубоги соҳиби бўлган жамоани сербиялик Иван Йованович бошқариб бормоқда.
Клуб бу мавсумда 10та ўйин ўтказган жамоа 21 очко билан учинчи ўринни эгаллаб турибди.

"Ал наср"нинг легионерлари: Жирес Кембо Экоко (Франция), Луис Хименес (Чили), Жонатан Питройпа (Буркина Фасо) ва Нилмар (Бразилия).

"Ал Иттиҳод" (Саудия Арабистони) - "Ал Виҳдат" (Иордания)

Саудия Арабистони клуби ўтган мавсум мамлакат чемпионатида тўртинчи ўринни олгани учун плей-оффда ўйнайди. Жамоа бу йил 9та ўйиндан сўнг 17 очко тўплаб 4-ўринни эгаллаб турибди.

"Ал Иттиҳод" легионерлари:  Салли Мунтари (Гана), Жеймс Троици (Австралия), Лусиан Санмартен (Руминия), Гелмин Ривас (Венесуэла).

"Ал Виҳдат" Иордания чемпиони сифатида ОЧЛ плей-оффида қатнашади. Жамоа 14 карра мамлакат чемпиони, 10 карра Иордания кубоги соҳиби, 9 карра Иордания ФА кубоги соҳиби ва 12 карра Иордани Суперкубоги соҳиби ҳисобланади.

"Виҳдат" бу мавсумда 9та ўйиндан 19 очко тўплаб ички чемпионатда пешқадам бўлиб турибди.

Жамоада сенегаллик Эл Хожи Малик Талл ва фаластинлик Ашраф Нўъмон каби легионерлар ўйнашади.