ОЧЛ-2014да “Бунёдкор”, “Поханг Стилерз” ва “Бурирам Юнайтед”нинг мақоми юқори

Мусобақани тўғридан-тўғри гуруҳ босиқичида бошлайдиган клублар орасида Ўзбекистоннинг “Бунёдкор”, Жанубий Кореянинг “Поханг Стилерз” ва Таиланднинг “Бурирам Юнайтед” клублари бошқаларга қараганда, мақом жиҳатдан, юқорироқ ўринда туришибди.

Гап шундаки, учала клуб ўз мамлакатида ҳам чемпионлик, ҳам кубок соҳибига айланишган.

Бу борада юқоридаги уч клуб сафи яна иккитага ортиши мумкин. Бунинг учун Япония J-лигасида чемпионликни қўлга киритган “Санфречче Хиросима” клуби ҳали поёнига етмаган Император кубогини қўлга киритиши керак. Ҳозирча бу мусобақа чорак финал остонасида турибди. Император кубогини қўлга киритиш учун “Санфречче Хиросима” жамоасидан ташқари “Оита Тринита”, “Йокогама Маринос”, “Саган Тосу”, “Кавасаке Фронтале”, “Вегалта Сендай”, “Токио” ФК, “Вентфорет Кофу” клублари даъвогарлик қилишмоқда. Шунингдек, Қувайт чемпиони ва кубоги соҳиби – “Ал-Қувайт” плей-офф орқали гуруҳ босқичи йўлланмасини қўлга киритса, у ҳолда 2014 йилги Осиё Чемпионлар лигасида “олтирн дубль” қайд этган клублар сони бештага етади.

Баҳодир МИРЗАЕВ