ОЧЛ. 1-тур олдидан Саудия клублари ғалаба қозона олишмади

ОЧЛ тақимига кўра, Ўзбекистоннинг ҳар тўрттала клуби 1-турда Саудия Арабистони жамоаларига қарши баҳс олиб боради. Хусусан "Локомотив" ва "Пахтакор" ўз майдонларида "Ал Иттиҳод" ва "Ал Ҳилол"ни қабул қилишса, "Бунёдкор" ва "Насаф" сафарда мос равишда "Ал Наср" ҳамда "Ал Аҳли"га қарши баҳс олиб боришади.

"Локомотив"нинг ОЧЛдаги рақиби "Ал Иттиҳод" кеча Саудия чемпионатининг навбатдаги тур учрашувида майдонга тушиб, ўз майдонида "Қуадисия" билан 1:1 ҳисобида дуранг ўйнади. "Ал Иттиҳод" таркибида Абдулфаттоҳ Асири гол муаллифи бўлди. "Пахтакор" рақиби "Ал Ҳилол" эса сафарда "Таавон" меҳмони бўлиб 0:1 ҳисобида ютқазиб қўйди.

Шунингдек, бу турда "Ал Наср" билан "Ал Аҳли" ўзаро баҳс олиб боришди. Бу ўйинда ҳам 1:1 ҳисобида дуранг қайд этилди. Мазкур беллашувда "Ал Наср"дан Маркиньос Габриел ва "Ал Аҳли"дан Маркиньо гол уришди. Саудия чемпионатининг 17-тур учрашувларидан сўнг "Ал Ҳилол" 40 очко билан биринчи ўринда боряпти. "Ал Аҳли" 39, "Ал Иттиҳод" эса 36 очко билан иккинчи-учинчи ўринларни эгаллаб туришибди. 6-ўринда бораётган "Ал Наср" ҳисобида эса 23 очко мавжуд.