"Обод": Ёшларимизда ғалаба, асосий таркиб бугун бошлайди

6-7 сентябрь кунлари бўлиб ўтадиган мазкур беллашувлар "Обод" ва ТТЙМИ майдонларида бўлиб ўтади. 20-тур ўйинига тайёргарликни 28 августдан бошлаган Воҳид Холбоев бошчилигидаги ёшларимиз кеча Абдумажид Тоиров мураббийлигидаги "Бунёдкор" академияси жамоасига қарши назорат учрашувида майдонга тушди ва 8:5 ҳисобида ғалаба қозонди. Ёшларимиз "Сўғдиёна" билан бўладиган беллашувга қадар яна бир ўртоқлик баҳсида майдонга тушади. Бу сафар рақиб "Пахтакор" ўринбосарлари бўлади. Ўйин 1 сентябрга белгиланган.

Андрей Демченко устозлик қилаётган асосий таркиб аъзолари бугундан навбатдаги тур баҳсига тайёргарликни бошлайди. Бош жамоамиз ҳам 7 сентябрь кунги беллашувга қадар назорат баҳсида майдонга тушади. 3 сентябрь куни "Жар" стадионида бўлиб ўтадиган ўйинда "Пахтакор" билан куч синашилади. Учрашув 18:00да старт олади.