Обамеянг “Герта”га қарши учрашувни ўтказиб юборади

Габонлик ҳужумчи жамоаси билан Берлинга бормади.

“У Дортмундда машғулот ўтказмоқда. Унинг хаёли бошқа нарсалар билан банддек туюлмоқда. Шу сабаб у бор эътиборини футболга қарата олмаяпти. Шу сабаб у Берлиндаги баҳсга бизга ёрдам бера олишига ишониш қийин”, дея “Боруссия” спорт директори Михаэль Цоркнинг сўзларидан иқтибос келтирмоқда Sky Germany нашри.

Эслатиб ўтамиз, 28 ёшли ҳужумчи дискфалификацияга учрагани боис ўтган турда жамоасининг “Вольфсбург”га (0:0) қарши беллашувини ҳам ўтказиб юборишга мажбур бўлганди.

Январь ойидаги трансфер ойнаси вақтида Лондоннинг “Арсенал” клуби уни ўз сафига қўшиб олишга уринмоқда. Футболчининг трансфер нархи 60 миллион еврони ташкил этиши кутилмоқда.