"Ньюкасл"ни сотиб олган саудияликлар энди "Интер"ни мўлжаллаб турибди. Келишув миллиард еврога баҳоланмоқда
13 oct 2021 13:34
News

"Ньюкасл"ни сотиб олган саудияликлар энди "Интер"ни мўлжаллаб турибди. Келишув миллиард еврога баҳоланмоқда

Саудия Арабистони ҳукуматининг давлат инвестициялари фонди (PIF – Public Investment Fund) "Интер"ни сотиб олмоқчи.

Ўтган ҳафта PIF шунингдек, PCP Capital Partners ва RB Sports & Media компаниялари биргаликда "Ньюкасл"нинг янги хўжайинига айланди.

PIF вакиллари "Интер"га эгалик қилаётган хитойликлар Чжан оиласи вакиллари билан учрашган. Хитойликлар клубни бир миллиард евро эвазига сотишга тайёр, деб хабар беради Calciomercato.

Томонлар клубни олди-сотдисини ўтган йили ҳам муҳокама қилишган, аммо ўшанда "нерадзурри" хўжайнлари бу таклифни рад этишганди. Эндиликда уларнинг фикри ўзгаришига қисман Суперлига лойиҳасининг омадсизликка учраши ҳам сабаб бўлган.