"Ньюкасл" Исак учун жуда катта сумма истамоқда. "Ливерпул"нинг “боши қотган”

"Ливерпуль" ҳужумчи Александер Исакнинг эҳтимолий трансфер талабларини билиш мақсадида "Нюкасл" билан алоқага чиққан. Бироқ "қизиллар" Швеция миллий терма жамоаси футболчиси бўйича расмий таклиф билдирмаган. Бу ҳақда ESPN хабар бермоқда.

Манба маълумотига кўра, "Ньюкасл" Исакни сотишни истамаяпти. Таъкидланишича, агар "Ливерпул" ҳужумчи учун 116 миллион фунт стерлингдан кўп тўласа, "Нюкасл" уни сотишга рози бўлиши мумкин - бу улар ҳужумкор ярим ҳимоячи Флориан Виртцни сотиб олиш учун сарфлаган суммага тенг. Табиийки, "Ливерпуль"га бу каби катта суммани тўлаш осон бўлмайди. Ҳозирда клубда муҳокамалар давом этмоқда.

Ўтган мавсумда швециялик футболчи барча мусобақаларда 42 та ўйинда иштирок этиб, 27 та гол урди ва 6 та гол узатмасини амалга оширди. Швециялик футболчининг амалдаги шартномаси 2028 йил июнь ойининг охиригача мўлжалланган.