Нойер операцияни бошдан ўтказди

Операция муваффақиятли ўтди, дарвозабон бир неча ҳафтани ўтказиб юборади.

"Клуб ва жамоа Мануэлга тезроқ тузалиб кетишини тилаймиз. Ишончимиз комилки, у тез орада яна ажойиб формада биз билан бирга бўлади", – деди "Бавария" спорт директори Хасан Салихамижич.

35 ёшли Нойер жорий мавсумда "Бавария" сафида барча турнирларда 28 та ўйинда майдонга тушди ва 28 та гол ўтказиб юборди. Унинг клуб билан шартномаси 2023 йилнинг ёзига қадар мўлжалланган.