Нойер курашга тайёр

- Ниҳоят Европа чемпионати старт олаётганига хурсандмиз. Терма жамоамизда жуда ажойиб муҳит ҳукмронлик қилмоқда. Тезроқ майдонга чиқишга ошиқмоқдамиз. Дарвозабон бўлишимга қарамасдан майдонда ва ташқарида терма жамоа футболчилари билан кўп мулоқотда бўламан. Охирги йилларда ўзимни терма жамоа етакчиларидан бири сифатида ҳис этяпман. Германия терма жамоаси сафида эндигина келиб қўшилган ёшларга керакли нарсаларни ўргатишга, уларга маслаҳат беришга ҳаракат қиламан. Швайнштайгер биринчи ўйинда жамоамизга ёрдамлаша олмайди. Ҳозирча Лёв Украинага қарши учрашувда ким сардорлик боғичи остида ўйнашини айтгани йўқ. Бу муҳим эмас. Биз учун кимда сардорлик боғичи туришини катта аҳамияти йўқ. Менга Францияда бўлиш ёқмоқда. Бу ерда айни пайтда ҳақиқий байрамона кайфият. Умид қиламанки, бу ердан ажойиб хотира ва ёдда қоларли воқеалар билан уйга қайтамиз.