Носир Отақўзиев: "Мухлисларимизга рахмат!"

-  Аввало бугунги учрашувда ғалаба қозона олмаганимиз бироз дилни хира қилди.  “Пахтакор”га қарши бўладиган учрашувлар хеч қайси жамоага осон бўлмаган.  Лекин биз бугун мухлисларимиз кўз ўнгида ғалаба қозониб майдонни ёруғ юз билан тарк этишни жудаям истаган эдик. Мухлисларимизга рахмат бугун стадионда ажойиб атмосфера яратиб бердилар. Фақат рақиблар гол ургандан сўнг стадионга бироз сукунат чўккандек бўлди. Кейинги ўйинларда бўлмасину, мабодо шундай вазият рўй берадиган бўлса мухлисларимиздан илтимос қилган бўлардим, янаям шиддат билан бизни олға бошласалар , қўллаб – қувватласалар бу футболчиларга янада қўшимча куч-қувват беради.
 
-  Бу мавсумга қадар ҳеч қачон биринчи даврани бундай  омадли бошламаганман. Асосан голларни иккинчи даврада урар эдим. Бунга сабаб жамоамиз ҳужумкор тактикада ўйин кўрсатмоқда. Майдонда доим иккита ҳужумчи тушяпмиз. Бунда албатта вазиятлар кўп бўлади. Қолаверса ярим ҳимоячиларимиз ҳам ҳужумга яхши қўшилишмоқда. Натижада Райевацда хам менда хам вазиятлар бўлмоқда.

-  Мақсадимиз чемпионатни мана шундай руҳда давом эттириб , стадионга келаётган мухлисларимизни  хурсанд ҳолда қайтишларига эришиш. Бош мураббийимиз битта гапни кўп такрорлайдилар  “бизни мухлислар олдида юзимиз ёруғ бўлиши керак”- дейди Носир Отақўзиев.