Нўъмон Ҳасанов: "Ғалаба қозонишга уринамиз"

Нўъмон ҲАСАНОВ ("Пахтакор" бош мураббийи): - Эртага бизни муҳим баҳс кутиб турибди. Ўйиннинг қандай аҳамиятга эгалигини биламиз. Рақибни яхши ўргандик, биринчи баҳс бу жамоа тўғрисида кўп маълумот берди. "Тракторсози" етарли даражада кучли ва яхши ижрочиларга эга. Футболчилик пайтимда Али Дайи каби эронлик машҳур ўйинчиларга қарши ўйнаганман ва уларнинг жисмоний тарафдан қанчалик кучли эканини биламан. Лекин бу жамоамизга яхши ўйин кўрсатишга халал бермайди.
Жамоамизда ёшлар кўп, лекин бу турнирда қатнашиш борасида катта тажрибага эгамиз. Кейинги босқичга чиқиш учун бизга очколар зарур. Ҳозир барчада имконият бор. Биз бу ерга ғалаба учун келдик ва имкониятдан фойдаланишга интиламиз.
 
Жамшид БОЛТАБОЕВ ("Пахтакор" ярим ҳимоячиси): - Мураббийнинг гапига қўшиламан. Ғалаба эришиш мақсадида келдик. Ўсмирлар терма жамоаси сафида Эронга қарши ўйнаганман ва Эронда Осиё чемпионатида зафар қучганмиз. Ўз ўйинимизни намойиш қилиб, ғалаба қозонишга уринамиз. Жамоада яхши муҳит ҳукм сурмоқда. Ютуқ учун боримизни берамиз.