Нўъмон Ҳасанов: “Бугун ютқазмадик. Бизга омад етишмади”

Нўъмон Ҳасанов: - Бугун чиройли ўйин, жанг бўлди, дейишим мумкин. Футболчиларга катта раҳмат. Чунки улар барча кўрсатмаларимни тўғри бажаришди. Қўқондан келган мухлислардан узр сўрайман. Боиси улар яхши ниятлар билан келишганди. Бугун йигитлар бор кучларини бериб ҳаракат қилишди. Ҳали олдинда ўйинимизлар кўп. 

Ишқибозларимизни хурсанд қиламиз. “Бухоро” жамоаси яхши шаклланган. Тажрибали футболчилар тўпланган. Бухородан очко олиб кетиш бошқа жамоаларга ҳам осон бўлмайди. Бизда учта голга тортадиган вазиятлар бўлди. Улардан фойдалана олмадик. Битта хато эвазига ўйинда мағлубиятга учрадик.  

Бугун биз ютқазмадик. Бизга омад етишмади. Кейинги ўйинларда ғалаба қозонишга ҳаракат қиламиз. Бугунги хатолардан хулоса чиқарамиз.

Жавоҳир Сидиқов: - Аввало, чиройли ўйин бўлди. Бугун “Бухоро”га ўз майдонида тўп сургани ҳам ёрдам берди. Лекин бу баҳона бўла олмайди. Чемпионат баҳслари ҳали олдинда. Биз ўтган йилги натижаларни қайтаришга ҳаракат қиламиз.