Нўъмон Ҳасанов: "Ал Ҳилол"ни мағлуб этсак барчаси эсдан чиқади"

Матбуот анжуманининг иккинчи қисмида "Пахтакор" бош мураббийи Нўъмон Ҳасанов ва Даврон Ҳошимов қатнашди.

“Ал Ҳилол” анча кучли ва шаклланган жамоа. Рақиб ОЧЛда анча тажрибали футболчилар бор. Бир қатор легионерлар бор. Аммо мақсадимиз эртага ўз мухлисларимиз қаршисида ғалабага эришиш”, - дейди Ҳасанов.

“Рақиб жуда кучли, унинг ўйинларини кўриб ўрганиб чиқдик. Эртага ўз майдонимизда 3 очко учун майдонга тушамиз”, - дейди Ҳошимов.

- Эртага ОЧЛда мураббий сифатида дебют ўйинни ўтказасиз. Бу сизга босим юкламаяптими?
- Жамоа эртага ўз ўйинини кўрсатса ғалабага эришишимиз мумкин. Йигитлар баҳсга тайёр.

- Жамоа қийин даврни бошидан ўтказмоқда. Футболчиларни руҳиятини қандай кўтараяпсиз?
- Тўғри руҳият анча катта роль ўйнайди. Ҳозир қийин давр бўлаётгани рост, йигитлар билан бу борада суҳбатлар ўтказдик. Барчамизнинг мақсадимиз ғалаба қозониш.

-  Азим Аҳмедовни Суперкубок баҳсида ҳимоячи сифатида ўйнатдингиз. Бу йил уни ҳимоячи сифатида ўйнатасизми?
- Аҳмедовни “Навбаҳор”да ишлаб юрганимдаёқ таниганман. Ўтган йил 7та ўйинда ҳимоячи бўлиб ўйнаганди. Шу боис унга ишонч билдирдим. Аммо эртага Азим бошқа позицияда ўйнайди.

- Жамоа сафини Лобанов, Махарадзе ва бошқа футболчилар тарк этишди. Таркибга келганлар эса асосан ёшлар. Учта фронтда кураш олиб бориш қийин бўлмайдими?
- Тўғри йўқотишлар бўлди. Аммо ёшларга ҳам қачондир имконият бериш керак. Захирада ўтираверса футболчи ўсмайди уларга ҳам имконият берамиз.

- Сиз футболчи сифатида ҳам етакчи бўлиб оғир дамларда жамоани ғалаба сари етаклагансиз. Эртага ҳам мураббий сифатида бунга ҳаракат қилсангиз керак?
- Албатта эртага "Ал Ҳилол"ни мағлуб этишга ҳаракат қиламиз. Агар йигитлар бор кучи билан ўйнаб ғалабага эришсак барчаси унтилади. Ўша жамоадан кетганлар ҳам, мағлубиятлар ҳам эсдан чиқади.

- Сергеев январь ойида Қатардаги Осиё чемпионатида қатнашди. Унинг клуб билан кам шуғуллангани ва кам гол ураётгани сизни ташвишга солмаяптими?
- Тўғри у жуда ҳам кўп ўйин ўтказди. Унда бироз чарчоқ аломатлари бор. Аммо унинг ҳаракатчанлиги ва голга чанқоқлиги ҳамон йўқолмаган.

Нарзулла Сайдуллаев