Ноил Губанов : “Ҳоким кубоги” турнири биз учун катта мактаб бўлди"

Олий лига вакилининг ғалабаси билан якунланган учрашувдан сўнг “Истиқлол” бош мураббийи Ноил Губанов  ўз фикрларини қуйидагича баён қилди.

-Бу турнир биз учун жуда катта мактаб бўлди.  Янги тузилган жамоа учун олий лига вакиллари қатнашган турнирда финалгача келиш менимча жуда яхши натижа. Футболчиларимиз бугун қўлларидан келганча Қўқон жамоасига қаршилик қилишди. Лекин барибир тажриба ўз сўзини айтди деб ўйлайман. “Қўқон-1912” жуда кучли жамоа . Бу жамоага қарши ўйиндан футболчиларимиз яхшигина тажриба  орттиришди. 

Бу турнирни ташкилотчиларига , шахсан вилоятимиз ҳокимиги ўз миннатдорчилигимни изҳор қиламан. Шунингдек бизни қўллаб турган раҳбариятимизга ҳам катта рахмат айтаман. 

Биз бу йил биринчи марта биринчи лигада иштирок этамиз. Уй учрашувларимизни муҳташам “Истиқлол” стадионида ўтказамиз. Хозирча  барча шароитларимиз кўнгилдагидек. Мақсадимиз чемпионатда муносиб иштирок этиш.

                 Акрамжон Мамадалиев суҳбатлашди.