Нодирхон Камолов: “Мағлубиятга муносиб эмас эдик”
04 nov 2016 15:51
News

Нодирхон Камолов: “Мағлубиятга муносиб эмас эдик”

Олий лига йигирма саккизинчи туридан жой олган “Қизилқум” — “Локомотив” жамоалари (0:1) учрашувидан сўнг, мезбонлар ҳимоячиси Нодирхон Камоловнинг фикрлари билан қизиқдик.

— Ажойиб об-ҳавода ўйнадик, — дейди Нодирхон Камолов. — Рақибимиз чемпионат пешқадами бўлса-да, уларни майдонда эркин ҳаракат қилишига йўл қўймасликка уриндик. Кўп вазиятларда ташаббус биз томонда бўлди. Агар Жасур Ҳасанов, Неманья Йованович, Баҳриддин Ваҳобовлар юзага келган голли вазиятлардан унумли фойдаланишганида биз ғалаба ҳам қозонишимиз мумкин эди.

Пенальтини айтмаганда, “Локомотив” жамоаси деярли бирорта хавфли вазият ҳам ярата олишмади. Қисқаси, бугун мағлубиятга муносиб эмасдик. Начора, бу ўйин ортда қолди. Энди олдинда турган икки учрашувда ўз мухлисларимизни қувонтиришга ҳаракат қиламиз.

“Қизилқум” ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4