Нодир Давлатов: "Олмалиқ" ўз майдонига ҳар қандай жамоага жиддий қаршилик кўрсатади"
03 aug 2016 11:08
News

Нодир Давлатов: "Олмалиқ" ўз майдонига ҳар қандай жамоага жиддий қаршилик кўрсатади"

Ёшлар лигаси доирасида кечган "Олмалиқ" - "Бухоро" (2:1) учрашувидан сўнг бухороликларнинг ягона гол муаллифи Нодир Давлатов ўз фикрларини билдирди.

"Бугун фақат ғалаба учун майдонга тушдик. Бутун ўйин давомида ҳисобда олдинда бориб, устунлик қилиб, учрашув сўнггида аламли иккита гол ўтказиб юбордик. Афсус футболда шунақаси ҳам бўлиб туради. Бу мағлубиятни унутган ҳолда кейинги учрашувга тайёргарлик кўриб, мухлисларимизга ғалаба тақдим этишга ҳаракат қиламиз.

Асосий жамоамизга омад тилайман. "Олмалиқ" ўз майдонига ҳар қандай жамоага жиддий қаршилик кўрсатади. "Бухоро" учун бу ўйин оғир кечиши аниқ, лекин нима бўлган тақдирда ҳам футболчиларимиз мухлислар учун ҳаракат қилишади ва ғалаба учун борларини бериб ўйнашлари аниқ", - дейди Нодир Давлатов.

"Бухоро" матбуот хизмати