Нодир Абдураззоқов: "Энди мавсумни чиройли якунлашимиз ва оғзимиздаги ошни олдириб қўймаслигимиз керак"
21 nov 2024 23:43
News

Нодир Абдураззоқов: "Энди мавсумни чиройли якунлашимиз ва оғзимиздаги ошни олдириб қўймаслигимиз керак"

ОКМК жамоаси Суперлиганинг 25-турида Тошкентда "Пахтакор" меҳмони бўлди.

Муҳим беллашувда Нодир Абдураззоқов ва Арихиро Сентокунинг голлари олмалиқликларга ғалаба келтирди. Мазкур учрашувдан сўнг меҳмонлар футболчиси Нодир Абдураззоқов фикрларини билдирди.

"Жорий мавсум бошидан бери иккинчи ўринда кетаётган эдик. Ўрнимизни қўлдан бой бериш уят ҳисобланарди. Айрим ўйинларда ўзимиз истаган натижага эриша олганимиз йўқ. "Пахтакор" билан баҳсга икки хафта давомида бор кучимиз билан тайёргарлик кўрдик. Бу ўйинни ютишимиз шарт эди.
"Пахтакор"га қарши ҳар қандай жамоа икки ҳисса куч билан майдонга чиқади. Статистикага қарайдиган бўлсак, ОКМК узоқ вақтдан буён сафарда бу жамоани юта олмаётганди. Мазкур натижани янгилашимиз кераклигини тушуниб тургандик.
Олдинда 1 та тур қолди. Энди мавсумни чиройли якунлашимиз ва оғзимиздаги ошни олдириб қўймаслигимиз керак", - дейди Нодир Абдураззоқов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2