Нивалдо: "Локомотив" олдиндаги ўйинда фақат ғалабани кўзламоқда"
27 mar 2018 12:11
News
Нивалдо: "Локомотив" олдиндаги ўйинда фақат ғалабани кўзламоқда"
Тошкентнинг "Локомотив" клуби навбатдаги учрашувини Суперлига 4-тур ўйинлари доирасида Олмалиқда АГМКга қарши ўтказади. Ана шу ўйиндан олдин "темирйўлчилар"нинг бразилиялик легионери Нивалдо Родригес Феррейра ўз фикрларини билдириб ўтди. Ҳужумчининг гапларини "Локомотив" расмий сайти чоп этди.
"Локомотив" жамоаси сафидаги илк учрашувимда мушагимни жароҳатлаб олдим ва бир нечта ўйинни ўтказиб юборишга мажбур бўлдим. Лекин айни пайтда яхши ҳолатдаман ва олдиндаги учрашувга бутун жамоа билан жиддий ҳозирлик олиб боряпмиз. Рақиб ўйинини таҳлил қилиб чиқдик. АГМК – маҳоратли футболчиларга эга жамоа. Бизни осон ўйин кутмаётгани тайин. Лекин "Локомотив" ушбу учрашувда фақат ва фақат ғалабани кўзлаб майдонга чиқади. Мен ҳам жамоамнинг ғалабасига ўз улушимни қўшишга уринаман", – деди тажрибали футболчи.

Таъкидлаб ўтамиз, АГМК – "Локомотив" учрашуви 31 март куни Олмалиқ шаҳрида ўтказилади. Ўйиннинг бошланиш вақти – 18:00.
Similar news
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Comments