Николас Сармиенто: "Бўлажак рақиб — Қозоғистонни табриклайман"

"Хорватияга қарши жуда қийин ўйин ўтказдик. Рақиб билан муросасиз ва курашларга бой тўқнашув бўлишини билардик. Ғалаба қозонганимиздан хурсандман. Эндиликда йўлимизда давом этамиз ва кейинги ўйин ҳақида бош қотирамиз.

Чорак финалдаги рақиб — Қозоғистонни табрикламоқчиман, улар Португалияга қарши жуда қийин ўйинда мардонавор ғалабага эришди. Натижанинг ўзи бу жамоанинг қандай кучга эга эканлигини айтиб турибди. Шу боис, бўлажак учрашув ҳақида жиддий бош қотиришимиз керак.

Ҳали чемпионлик ҳақида ўйлашга эрта, ҳозир илк навбатда Қозоғистонни мағлуб этиш ҳақида ўйлашимиз керак", деди Сармиенто.

Эслатиб ўтамиз, Аргентина чорак финалда Қозоғистонга қарши баҳс олиб боради.

Оқил Абдубарноев суҳбатлашди.