Никита Рибкин "Бухоро" йиғинига қўшилди

Жамоа лагерига бугун Никита Рибкин келиб қўшилди. Мухлисларга яхши маълумки, ушбу дарвозабон сўнгги йилларни «Қўқон-1912» жамоасида ўтказиб келаётганди. Рибкин бугун «Бухоро» машғулотларида иштирок этди.

Дарвоқе, футболчилар билан шартнома имзолаш жараёни давом этмоқда. Ўтган йили «Динамо»да ўйнаган Сардор Сулаймонов билан клуб ўртасида битим имзоланди. Шу тариқа иқтидорли ҳужумчи жорий йилги чемпионатни «Бухоро» таркибида ўтказадиган бўлди. Бундан ташқари ўтган мавсум жамоа шарафини ҳимоя қилган, Бобур Омонов, Тоҳир Шамшитдинов, Санъат Шихов, Нозим Умуров ҳамда Раббимжон Ҳасанов билан ўртадаги келишув яна бир йилга узайтирилди.

Шунингдек, мураббийлар штаби бухоролик мухлисларнинг ёқимтойига айланиб қолган Владимир Баенкони ортга қайтариш мақсадида айни дамда музокара олиб бормоқда.