Неймар ёшлигида "Реал"га ўтишига бир баҳя қолгани ҳақида гапирди

ПСЖ футболчиси Неймар ёшлигида "Реал Мадрид"  клуби аъзосига айланишига бир қадам қолгани ҳақида гапириб берди.

"10 ёшлигимда "Реал Мадрид" мени кўрик учун чақирганди. Мен бундан жуда мамнун бўлгандим. Бу "Галактикос" эраси пайти эди. Мен уларни ўйинларини кузатгандим. Ўшанда ҳамма голларни бразилияликлар уришганди. Мен ўша пайт еттинчи осмонда эдим.

У ерда бир ҳафта кўрикда қатнашдим. Кўрик якунига яқин улар мени жамоа билан Барселонадаги турнирга олиб бормоқчи бўлишди. Аммо мен ортга қайтиб кетдим. Сабаби, мен ўз уйимни жуда соғингандим. 

Умуман олганда, "Реал"га ўтишим учун барчаси тайёр эди. Аммо мен орқага қайтиб кетдим", -дейди Неймар.