Невилл Санчо ҳақида: "Агар эҳтиёт бўлмаса, у ван де Бекга ўхшаб қолади"

Англиялик футболчи ёзда Дортмунднинг "Боруссия"сидан "Манчестер Юнайтед"га ўтганди, бироқ у жамоада ўз ўрнини топа олмаяпти ва ҳали бирорта гол ура олмади. 21 ёшли ярим ҳимоячи сўнгги икки ўйинни захирада ўтказди.

"Биласизми, ўйнамайдиган ва захира ўриндиғида ўтирадиган Донни ван де Бек ҳақида бирор нима дея олмайман. Эҳтиёт бўлмаса, Санчо ҳам худди шундай ҳолатга тушиб қолади.

У даҳшатли ўйинларда иштирок этди.

Санчо ўйин услуби немис клубидан буткул фарқ қиладиган жамоага қўшилди, "Боруссия"да жамоавий ўйин кучли эди.

"Манчестер Юнайтед"га келгач, у шундай деб ўйлаётган бўлиши мумкин: "Мен бу ерда нима қиляпман? Ҳеч қандай ташкилот ёки тузилма йўқ", – деди Невилл.