Неймарнинг отаси 2011 йилда "Барса"дан 10 миллион евро олганини тан олди

21 ёшли футболчининг отаси Неймар ҳали "Барселона"га ўтмасидан анча олдин клубдан 10 миллион евро олганини тан олди. Бу пуллар унга қарашли бўлган N&N компанияси ҳисоб рақамига ўтказилган.

"Ҳақиқатдан ҳам 2011 йилда мен "Барселона"дан 10 миллион евро олгандим. Неймар "Барселона"ни танлаши керак эди. Бироқ буни аввалдан шартнома тузиб олиш, деб қабул қилмаслик керак. Мен шунчаки ҳаммаси ишончли тарзда кечиши учун шундай қилгандим.

Бизда бошқа вариантлар ҳам бор эди. Мен на Бразилиянинг ва на Испаниянинг солиқ хизматига қарз эмасман", дея Неймар отасининг сўзларидан Sport.es иқтибос келтирмоқда.