"Нефтчи"дан трансфер тақиқи олиб ташланди

Хабарингиз бор, Ўзбекистон Футбол Ассоциацияси Футболчиларнинг мақоми ва ўтиши бўйича қўмитаси қарздорликлар туфайли Фарғонанинг "Нефтчи" клубига трансфер тақиқини қўйганди.

Championat.asia сайти маълумотига кўра, "Нефтчи" олдидаги барча қарздорликлардан қутулган ва бунинг натижасида тақиқ олиб ташланган.

Маълумот учун, бугун "Нефтчи" делегацияси Екатеренбург шаҳрига жўнаб кетади. У ерда фарғоналиклар "Урал" билан иккинчи ўртоқлик учрашувида иштирок этишади. 6 июль куни Фарғонада ўтган баҳсда 0:0 ҳисоби қайд этилган эди.