"Нефтчи" ярим ҳимоячиси Шерзод Ҳакимов "Олмалиқ"да ўйнайди

Фарғоналик футболчи шу кунгача "Шаҳрихон" ва "Нефтчи" жамоаларида ўйнаган.

Ҳакимов бу йил иккинчи даврада деярли ўйнамади. Чунки 26 ёшли футболчи кўп вақтини жароҳатини даволаш билан ўтказди.

Шунга қарамай Игорь Шквирин ҳужумкор ярим ҳимоячини жамоасида кўришни истади.

"Нефтчи"ни тарк этганимдан сўнг, олий лиганинг бошқа жамоаларидан таклифлар туша бошлади. Вариантлар орасида "Олмалиқ"нинг таклифи мени ўзига тортди. Шу боис яқинда Олмалиққа бориб, клуб раҳбарлари билан гаплашиб келдим. Улар билан оғзаки келишиб олдим.

17 декабрь куни эса жамоа йиғинига бориб қўшиламан” - дейди Ҳакимов.