"Нефтчи" - халқаро мусобақа ғолиби!
21 oct 2019 20:50
News

"Нефтчи" - халқаро мусобақа ғолиби!

Бугун Фарғонада бўлиб ўтган “Фарғона водийси кубоги" халқаро футбол мусобақасининг финал учрашуви бўлиб ўтди.

Мусобақанинг бош соврини учун баҳс Фарғонанинг "Нефтчи" ва Қирғистоннинг "Нур-Баткен" жамоалари ўртасида ўтказилди.

Кескин ва муросасиз баҳсларга бой тарзда ўтган учрашувда фарғоналиклар Мансур Саидов ва Дилшод Умурзақовларнинг киритган голлари эвазига 2:0 ҳисобида ғалаба қозониб, мусобақа кубогини бошлари узра баланд кўтардилар.

Шу тариқа 19-21 кунлари Фарғона шаҳрида бўлиб ўтган "Фарғона водийси кубоги" халқаро футбол мусобақаси якунига етди.

“Фарғона водийси кубоги” халқаро турнири.

Финал баҳси.

“Нефтчи” (Фарғона) – "Нур- Баткен" (Қирғизистон) 2:0 (1:0)

Голлар: Мансур Саидов (1:0), Дилшод Умурзақов (2:0)