"Нефтчи" ва "Локомотив"да 100 фоизли натижа, "Металлург" - иккинчи босқичда гол урмаган ягона жамоа

Фақатгина "Локомотив" ва "Нефтчи" ушбу босқичда 100 фоизли натижа қайд этишди. "Темирйўлчилар" дастлаб "Металлург"ни, кейин "Бунёдкор"ни мағлуб этишди. "Нефтчи" эса АГМК ҳамда "Насаф"дан устун келди.

Иккинчи босқичда ҳозирга қадар умуман очко олмаган ягона клуб - "Бухоро". Улуғбек Бақоев шогирдлари ҳар иккала баҳсда ҳам ютқазишди.

Бекободнинг "Металлург" клуби ҳал қилувчи босқичда ҳозирча гол ура олмаган ягона жамоа бўлиб турибди. Андрей Шипилов бошчилигидаги бекободликлар 180 дақиқада давомида рақиб дарвозасига йўл топа олишмади.