"Нефтчи": Режада ўртоқлик ўйинлари мавжуд эмас
18 jul 2018 21:41
News

"Нефтчи": Режада ўртоқлик ўйинлари мавжуд эмас

Сўнгги кунларда матбуот ва ижтимоий тармоқларда Фарғонанинг “Нефтчи” жамоаси Олтиариқнинг “Ифтихор” клуби билан ўртоқлик учрашуви ўтказиши борасида хабарлар тарқалмоқда.

Берилган маълумотларга кўра, 20 июль куни Фарғона шаҳрида хар икки жамоа ўртасида назорат баҳси ўтказилади.

Бироқ “Нефтчи” футбол клуби мазкур хабарни расман рад этади. “Нефтчи” ва “Ифтихор” жамоалари ўртасида назорат баҳси ўтказиш борасида хеч қандай музокаралар олиб борилмаган. Айни пайтда фарғоналиклар Бухоро шаҳрида бўлиб туришибди ва 19 июль куни “Бухоро”га қарши Суперлиганинг 17-туридан ўрин олган беллашувда иштирок этишлари кўзда тутилган. 20 июль куни эса “Нефтчи” футболчиларига дам берилади.

Чемпионат қизғин тарзда давом этаётган бир пайтда “Нефтчи” ПФК хеч қандай ўртоқлик ўйини ўтказишни режа қилгани йўқ. Барча диққат эътибор расмий учрашувларга қаратилган.